Ndotja e ajrit është më e rrezikshme nga sa mendohej më parë, ka paralajmëruar Organizata Botërore e Shëndetësisë.

Rreth shtatë milionë njerëz vdesin para kohe çdo vit nga sëmundjet që lidhen me ndotjen e ajrit, thotë OBSH, transmeton portal arbresh.info

Vendet me të ardhura të ulëta dhe të mesme vuajnë më shumë, për shkak të mbështetjes së tyre në karburantet fosile për zhvillimin ekonomik.

OBSH e vendos ndotjen e ajrit në të njëjtin nivel me pirjen e duhanit dhe ushqimin e pashëndetshëm.

Ndotja e ajrit, obeziteti dhe astma te fëmijët: Studimi konfirmon lidhjen mes tyre

OBSH ka kërkuar nga 194 shtetet anëtare që të ulin emetimet dhe ndërmarrin veprime për ndryshimet klimatike, përpara samitit COP26 në nëntor.

Udhëzimet e reja, të publikuara të Mërkurën, përgjysmojnë maksimumin e rekomanduar për ekspozimin ndaj grimcave të vogla të quajtura PM2.5.  Ato prodhohen nga djegia e karburanteve në prodhimin e energjisë, ngrohjen shtëpiake dhe motorët e automjeteve.

Sipas raportit të OBSH-së, pothujase 80 përqind e vdekjeve të lidhura me PM2.5 mund të shmangen në botë nëse nivelet aktuale të ndotjes së ajrit zvoglohen.

Ndotës të tjerë të veçuar në udhëzime përfshijnë ozonin, dioksidin e azotit, dioksidin e squfurit dhe monoksidin e karbonit.

Sipas ekspertëve, ndotja e ajrit është e lidhur me kushte të tilla si sëmundjet e zemrës dhe sulmi në tru. Tek fëmijët, mund të zvogëlojë rritjen e mushkërive dhe të shkaktojë astmë të rënduar./arbresh.info/